唔怕神級的對手,最怕豬嘜既隊友

你有冇喜歡的運動啊!那是甚麼呢?我好喜歡打籃球,因為打波是一個很好玩的運動,我的身高也因打波多,才會這樣。籃球的樂趣,在於是一項良性競爭的遊戲,勝出固然開心,輸了也無傷大雅,下場再黎過。更暢快的是五個人合作,講求進攻能力,射球準承,防守嚴密,互相補位,能夠打出好的表現就最享受。所以由十一/二歲開始,一直打到今時今日,都是最喜愛的運動。

打波另一個有趣的地方,特別是你打街埸,會遇上不同的對手,也會與不同技術的人合作,與勁人一組,故然打得輕鬆,嬴得容易。遇到技術較一般的話,就唯有大家都發揮潛藏的威力,爆 seed 迎戰,嬴左就更高興,輸左又屬常數,無有怕!

人話「唔怕神級的對手,最怕豬嘜既隊友...」你有冇同感呢?我試過打波打得最火的事,就係遇到一類的人,唔係佢技術不足,唔係佢唔識打波,而係佢無心機打!落到場,見人又唔想 marked,要走位又唔想行,射波又好求其,特別係 3 打 3,變相為 3 打 2,如果真係 3 打 2 還好啊! 最多一個睇兩個,激發宇宙級戰意,縱敗猶榮,死都死得夠晒光彩,但係遇到這類超 hea 級的隊友,你都真係唔嘔血都唔得,仲係要幾公升幾公升咁嘔出黎!還好的是在我人生中,遇上這類的情況是很少數的,大多上得場,落陣的帥哥們,有時還有帥姐,都是極投入的好隊友!

你想你的人生,是一個好隊友還是超級 hea 友,若你參與過競賽,無論是運動、boardgame、手遊,你明的!遇到好隊友的樂趣,及遇到超 hea 友的慘烈境況。

盼望我們在信仰的路上,都不是那種超 hea 級既豬隊友!若不,不單只令到你的好友失望,更加令到主耶穌好失望!我們都是充滿活力的年青⼈,好好發揮你的拼勁,盡⼼成為主的門徒!

所以弟兄們,應當更加殷勤,使你們所蒙的恩召和揀選堅定不移。你們若行這幾樣,就永不失腳。(彼後 1:10)